[col. 846]
τῇ αὐτῇ ἡμέρᾳ ἡ ἀνάμνησις τῶν ἐν Βουλγαρίᾳ τελειωθέντων χριστιανῶν ἀδελφῶν ἡμῶν
ἐπὶ Νικηφόρου τοῦ βασιλέως. ὃς τῷ ἐννάτῳ χρόνῳ τῆς αὐτοῦ βασιλείας κατὰ Βουλγάρων
ἐξελθὼν μετὰ πάντων τῶν Ῥωμαϊκῶν στρατευμάτων καὶ τῆς περὶ αὐτὸν ὅλης ἑταιρείας
ἅμα καὶ τῷ υἱῷ Σταυρακίῳ καὶ Μιχαὴλ τῷ ἐπὶ θυγατρὶ γαμβρῷ, συμβαλὼν τούτοις καὶ
κατὰ κράτος ἡττήσας καὶ τροπωσάμενος νίκην κατ᾿ αὐτῶν περιφανεστάτην ἤρατο. ἐπὶ
τῇ τοιαύτῃ οὖν νίκῃ τὴν φρένα κούφην ἔχων, ἐπαρθεὶς ἐκάθητο τρυφαῖς καὶ πότοις σχολάζων,
τῶν πραγμάτων ἠμεληκώς. τοῦτο τοὺς περιλειφθέντας Βουλγάρους ἀναθαρσῆσαι ἐποίησε·
καὶ μιᾷ τῶν νυκτῶν τοῖς Ῥωμαϊκοῖς ἐπιπεσόντες στρατεύμασιν αὐτόν τε βασιλέα ἅμα
καὶ τῇ συγκλήτῳ πάσῃ, ἀφυλάκτοις οὖσι, κατέσχον καὶ πολὺν φόνον ἐν αὐτοῖς εἰργάσαντο,
μὴ φεισάμενοι ὅσον τὸ εἰς αὐτοὺς ἧκον μηδενός, μηδ᾿ αὐτοῦ τοῦ βασιλεύοντος. ἐντεῦθεν
[col. 847] ὅσοι μὲν καιρίας τὰς πληγὰς ἐδέξαντο, αὐτίκα τοῦ βίου μεθίσαντο· ὅσοι
δὲ μὴ θανασίμους πάνυ, κατὰ τῶν δασυτέρων χωρίων [αλτερνατε ρεαδινγ χολυμν 837·
ὀρέων] ἐχώρουν· ὅσοι δὲ ζῶντες ἐλήφθησαν, μυρίαις αἰκίαις καὶ βασάνων ἰδέαις ἐπάλαισαν,
μὴ ἀνασχόμενοι τὸν κύριον ἡμῶν Ἰησοῦν Χριστὸν ἐξομόσασθαι καὶ τῇ Σκυθῶν προσελθεῖν
θρησκείᾳ. ὡς δὲ οἱ μὲν ἐπέκειντο τὸ ἑαυτῶν ἐφετὸν ποιῆσαι καὶ τὸν Χριστὸν ἐξαρνήσασθαι
αὐτοὺς ἀναγκάζοντες, οἱ δὲ σφοδρῶς
[col. 848] ἀντείχοντο καὶ θανεῖν μᾶλλον ἢ προδοῦναι τὴν εὐσέβειαν ἰσχυρίζοντο· πολυτρόποις
καὶ χαλεπαῖς βασάνοις ὑπεβλήθησαν. οἱ μὲν γὰρ αὐτῶν ξίφει τὰς κεφαλὰς ἐτμήθησαν,
[συππλεμεντ χολυμν 837-8· οἱ δὲ σχοινίοις τοὺς τραχήλους δεθέντες καὶ κρεμασθέντες
ἐπνίγησαν, ἄλλοι μέλεσι κατατρωθέντες ἐξέψυξαν,] οἱ δὲ δι᾿ ἀγχόνης τῆς παρούσης
ζωῆς ἐξερράγησαν, ἄλλοι βέλεσι κατατρωθέντες πυκνοῖς τῶν τῇδε μετέστησαν, ἕτεροι
φρουραῖς καὶ λιμῷ καταδικασθέντες, οὕτω τὸν βίον κατέλυσαν, τὸν τοῦ μαρτυρίου στέφανον
ἀναδησάμενοι.
**********************************************************